سلم على اللي ما يردون السلام
أجرك على اللي ما خفت له خافية
واتبسم ل دنياك لو ماهي تمام
البسمة أحياناً ل جرحك شافية
وإن وادعوك الناس ل تكثر كلام
الوحدة بنفسك لنفسك عااااافية
أكبر غلط تعطي ل هالبعض احترام
وتكون وافي مع أوادم جافية
…..
البعض في وضعه إذا حان الزحام
مثل الشعر من دون وزن و قافية
ما تفرق الطعنة قفى ولا أمام
طعن الهزيلة يساوي المتعافية
والإنطوائية على النفس انسجام
إذا المبادي للتقارب نافية
مثلك:إذا تطلب من البعض اهتمام
اللي بغى قطرة ب سماه الصافية
لا تلعن الفيه ولا تسب الظلام
وتمشي على الرمضا و رجلك حافية
…..
قل الكلام إن دل هو خير الكلام
دام الحكي ف بحرك جروحه طافية
والقيل معه القال سبابة ملام
وبرودك أحياناً طبيعة دافية
والباطن من الناس طلق من السهام
لو هي بظاهرها غدت متصافية
خلك مع اللي ما عمر عينه تنام
سجدة جبين ب ليل ربك كافية
و سلم على المقفين لك أجر السلام
و استقبل بحب القلوب اللافية !
